Klubbplassen

Anders Pålsson jïh Anna Jonsdatter

Anders Pålsson jïh Anna Jonsdatter ligan saemien gaalletjeguaktah Liksjoste jïh Suarseste Sveerjesne. Dah derhviegåetieh tseegkin jïh Klubbplassesne orrijin ovrehte 1850, gaertenen nuelesne man nomme Reinåmoen Korgenisnie. Gaalletjeguaktah golme maanah åadtjoejigan: Maria Sofia, Anna Stina jïh Sara Kristina. Fuelhkie jieliemassem gåetiekreekijste åadtjoeji. 1875 dej lin govhte sïrvh, göökte gaajhtsh jïh göökte bovtsh. Anna lij gaamehgåaroje. Nïejth Maria jïh Sara lin ryöjnesjæjjah båantaj luvnie Reinåmoesne.

Sara jïh Anders

Jaepien 1885 Sara pruvri Anders Mathias Abrahamseninie (1850-1921) Aarborteste.

Dellie jïjtsh gåetiem tseegkin jïh idtjin vielie derhviegåetesne årroeh. Jaepien 1886 dah baerniem Nils Martin åadtjoejin gie sealadi ajve 3 jaepien båeries. Sara jïh Anders idtjin vielie maanah jïjtjh åadtjoeh, men faadterinie sjïdtin gellide maanide voenesne, mestie maahta guarkedh voenen almetjh dejtie lyjhkin. Dej lij slaajoelaante Klubbplassesne, Grønndaelesne jïh Sjurfinnheimesne.

Sara jïh Anders prïhtjhgåetiem Sarakampen Korgsjyesne utnin. Soptsesåvva gosse Anders lij prïhtjhgåetiem vijriedamme, meehti garmereslaakan jiehtedh: Vuajnah, daelie buerebe sjædta, daelie almetjh slyöhpoeh meahtjan vaedtsedh. Gosse Sara govsem Klubbplasseste govsevuesiehtimmesne utni dellie voestespreemijem åadtjoeji. Daate plaaran bööti jïh Sara preemijem jïh gellie bueriebaakoeh åadtjoeji.

Voerhtjen 20.b. 1921 ståapoe Kløbbesne buelieli, jïh Anders bueliemisnie faaradi mearan lïegkedi gaskebiejjien mænngan. Saara lij sealadamme göökte jaepiej aarebi, 1919.

Marja Kløbben nuelesne

Marja idtji pruvrh jïh jieliemassem Klubbesne utni. Dïhte seamma gåetesne årroeji goh Sara jïh Anders Klubbplassesne, men jïjtse gaajhtsefievsiem utni. Dïhte lij væjkele jïh åehpies smïrre, naakede maam tjidtjiebistie lïereme. Daate hijven barkoe sjïdti bïerkenimmien gaavhtan. Dan lij aaj jïjtse slaajoelaante sijjesne «Bjynnlia, puinn Kløbbpaillan», jïh aaj jeatjah lehkesne sleeji. Bjynnli-aallijen nuelesne, båeries duvriengaavmoe, jïh desnie annje altese sijjeme jïh leajoe, jïh baatsahtassh hiessjeste. Stoerre gierkie, man nomme Marja-gierkie lij aaj våarhkoesijjie suajnan. Klubbplassen gåajkoe tsïeglesjamme baalka Marja-gierkien gåajkoe. Marja sealadi 1916.

Klubbplassen

Klubbplassen lij duerhpie gaertenen nuelesne Reinåmoen bnr. 1. Mænngan Anders Abrahamsen sealadi 1921 lij Nils Reinåmo gie desnie sleeji ovrehte 1950 raajan. Muvhth jaepieh dan mænngan Hans Reinåmo sijjiem slaajoelaantine nuhtji. Mænngan skåajjem desnie sjïdtedehti.

Marjan gaajhtsefievsie dyvvesovvi jïh skåajjeståapojne jïh lïegkedimmiebåvvine åtnasovvi. Sijjien lij 5 mål ïentjeste jïh ij vaenebh goh golme suejnielaaroeh, «Ytterlaæ, Storlaæ jïh Nerlaæ».

Daelie bïevnesetaavla Klubbplassesne mij histovrijem sijjien bïjre Klubben nuelesne soptseste. Skåajjeståapoe annje desnie, men doh jeatjah gåetieh gaarvanamme.

Gaaltijh: